INAUGURACIÓN DA BIBLIOTECA
Esta semana inauguramos a biblioteca xa que o día 24 era o
" Día das Bibliotecas Escolares".
Fomos facéndoo un ou dous cursos cada día, por iso dos grupos burbulla.
Primeiro fixemos uns xogos populares por grupos e fomos rotándoos, un ratiño cada grupo nun xogo: corda, pai fillo nai, buxainas, pilleta e carozos, e ao rematar déronnos uns puzzles onde aparecían unhas pistas: A biblioteca e o conto "El hospital de Litera Tura" que resultou ser unha bruxiña moi apañada que soubo atopar a maxia para arranxar uns contos que perdían as letras e os debuxos. Tamén apareceu por alí unha bruxiña moi coñecida por nós.
Así que subimos á BIBLIOTECA !
Alí a profe Carmen contounos o conto " El hospital de Litera Tura", e logo deunos a caixa cos libros do "Itinerario lector" e a mochila viaxeira.
E o venres, por fin, xa puidemos empezar a ir á Biblioteca e coller eses marabillosos libros que alí hai para levar para casa co empréstito de libros. Clica na imaxe para ver o vídeo.
Comentarios
Publicar un comentario